Clarisonic Mia Review

السلام عليكم ورحمة الله وبركاته 

احم احم :$ < فيه ناس بتتصفق الله واعلم ههههه

اسفه والله تأخرت ادري ، حقكم علي ❤

اليوم جايبه الريفيو عن الجميله كلارسونيك ميا *ياااي*

بتكلم عن رأيي فيها بالتفصيل

طبعاً واضح اني حابتها لأني حاطتها بمفضلاتي لشهر مارس

واللي يتابعني بتويتر او بالانستقرام بيعرف اني اخذتها قبل شهر تقريباً

وقلت هالشهر استخدمها واعطيها حقها وبعدين احكم

بالبدايه كنت خايفه من شئ ! لا موتطلعلي حبوب :p

كنت خايفه تكون قويه على وجهي لأني تحسست بايديني فرشتها موناعمه مره 

وكان بنفس الوقت عندي حبه صغيره جايتني هذاك الوقت من الشهر ><

المهم اني خفت المسها تعرفون بتترك اثر وكنت اتحاشاها 

اليوم الثاني نسيت هالحبه ومريت عليها والله لوتشوفون وجهي لما غسلت وتذكرت هههههه

الحبه ماصار لها شئ ابد ! يعني متصورين كيف كانت خفيفه عالبشره ؟!

من هالدقيقه حسيتنا بنصير صديقات :$

استخدمها بروتين الليل مره وحده بغسولي العادي *لوحابين خبروني انزل روتيني الليلي*

التغييرات اللي لاحظتها من استخدامها *

ااااه ملمس وجهي جمممميل تعرفون لما تلمسين فيسك ويصير مافيه مشاكل وبشرتك تمام

بس برضو ماتحسين سطح البشره ناعم ؟ هذي تخليه ناعم والله ودي بس امسك وجهي ههههه

واحس الترطيب من بعدها فعلاً له نتايجه !

شئ ثاني حبيته احس وجهي صار فعلاً لون واحد 

الاحمرار او تغير اللون اللي يجي حول الانف وحول الشفايف كله اختفى 
بخصوص اذا طلعتلي حبوب او لا
طلعت لي كم حبه صغار واختفو بسرعه مايسوون الخوف

تقيمي لها :

10 / 10

أحس حتى لوبشرتك مافيها مشاكل حلو تكون عندك ❤

سعرها :
119 دولار من الموقع ، لكن أنا أخذتها من تاجر يبيعها بمنطقتي 

بصراحه مااشوفه مبالغ فيه واحسها تستاهل

للأمانه طاحت معي كثير واقول بنفسي كل مره بتتفتت قدامي وصامده ماشاء الله هههههههه

الصراحه الشئ الوحيد اللي ينرفز صحيح شحنها يطول !
لكن بما انني استخدمها بالليل اصير لما يخلص شحنها اشحنها من الليل لبكره نفس الوقت وخلاص 
فعشان كذا مانقصت من تقييمي لها لكن لوماكنتي صبوره ماراح تحبين هالشئ ابد :p


وبكذا خلص البوست ...
لاتنسون تشتركون بالمدونه عشان يوصلكم كل جديد ❤

تابعوني هنا ...Twitter || instagram
ولأي اسئله : Ask.fm

ايميلي ، لأي اراء أو إقتراحات : carnationxo@gmail.com