March Favorites ❤

السلام عليكم ورحمة الله وبركاته
شخباركم جميلاتي ؟ :$
يالله قد ايش احس هالسنه سريعه ! فجأه الا احنا خلصنا شهر 3
احس مالنا شوي قلنا يالله خير هالسنه ههههه
المهم اني جايبه مفضلاتي لهالشهر ❤

ادري المفروض انها كل شهر بس يعدي الشهر بسرعه وانسى الا احنا بنص الشهر اللي بعده :p
هالشهر قلت ياانا ياانت عاد *فيس يستعرض عضلاته*



نجي لمفضلاتي اللي موش ميك اب < ماجا معي غير كذا سلكو ههههه

• فازلين المرطب الكامل - انا انسانه مااشبع ترطيب وكل شوي اغير هههه بس عموماً احب مرطبات فازلين وهالشهر طايحه بهالجميل هو وجونسون اللي بقولكم عليه بعد شوي ، بس هذا جممميل وترطيبه روعه واشوفه بالنسبه لي افضل من هذاك البينك حق التوحيد :p مااقول ان هذاك موحلو لا بالعكس ابدل بينهم بس احس هذا ترطيبه افضل 

• صابونه بليفه - ماادري شسمها ههههه بس تلاقونها عند ذا بيوتي سيكرتز نزلتها بالانستقرام قبل شهرين او شئ كذا لما كان عندهم عرض المهم انها جميله بس لوتحطينها على جلدك وتفركين لما تطلع الرغوه احس الليفه اللي فيها تكون قويه وقتها لأنها ناشفه حطي مويه بايدك وافركيها بباطن ايدك واذا طلعت الرغوه عاد ابدي مرريها على جسمك ريحتها شئ جمممميل مااعرف اوصفه بس حبيته

• كلارسونيك ميا - ادري المفروض انزل ريفيو كامل عنها وان شاء الله بنزل بس ماقدرت الا انزلها بمفضلاتي هالشهر عشقتها وبس ❤

• مرطب جونسون - انا بشرتي هالفتره صايره عاديه ! وحتى التي زون ماادري شفيها ! لحد يقول ماتشربين مويه لأني صايره اشرب اكثر من اول ونفس الشئ :/ *ومتأكده انه مومن الكلارسونيك لأنه من قبلها كذا* ماعلينا المهم اني احب جسمي ووجهي مترطب مااحب المس وجهي او اي جزء بجسمي واحسه مومترطب عندي وسواس فعلياً ! هالمرطب للأمانه فيه ريحه حلوه ناعمه بالبدايه خفت احطه على وجهي وحطيته على ايديني اشوف ترطيبه يستاهل اجازف او لا ههههه اااه ياربي هذاك اليوم بس اتحسس ايديني ورب البيت ! وغامرت وحطيته على وجهي ولا تحسس ولا شئ ولاطلعتلي اي حبوب ، ميزه هالمرطب لوغسلت وجهي مااحسه خلاص راح ! لا ماادري شلون احسه لسه باقي شئ جمممميل ، صرت استخدمه لوجهي ورقبتي واكتافي وايديني الى حد المرفق واوقات رجليني < مابقيتي شئ طال عمرك ههههه ، ماادري احس هالاماكن تجف بسرعه :/ ايه وترا شئ بسيط منها يكفي كثيررر ياليت احد يقولي لويبيعون منه أكبر 

نجي للميك اب وحوسته ...

• بلشر كريمي من نيكس hot pink - ماادري شفيني على بلشرات نيكس الكريميه هههه اللون شوي قوي على لون بشرتي على وحده اسمر بيطلع احلى واحلى بس يبقى جميل ❤

• روج من ماك crosswires - اتعب وأنا اقول كرفته هالشهر هههههه حتى لوموحاطه ميك اب اوقات بس احطه لأني حابته وبس ❤ لونه غريب جاي تكه على اورنج بس بشكل جميل مرره نعوووم وجميل وش اقول بس يخقق

• محدد شفايف من نكس grape fruit - قريب مره من لون شفايفي بس هو اكثر على بينك بتكه *لايغركم شكله بالصوره تحسبون شفايفي حمرا هههههه روحو شوفوه* حبيته مره اذا حطيته على كل شفايفي وحطيت فوقه روج ماك طبقه خفيفه يطلع لون تسطييييلي 

• كونسيلر من لانكوم من مجموعه تينت ميركل - هالمجموعه كلها انا خاقه معها ❤ شوفو هنا الفاونديشن من نفس المجموعه ، اللي عندي درجه 1 وهو لوني بس الفاونديشن درجه 2 ، يعني اقدر استخدم الكونسيلر لحاله وغالباً تحت عيوني استخدمه مااقول يغطي الهالات كلياً لا بس مايبين انك حاطه كونسيلر ولا يقلب رمادي معي ولما ابي استخدمه مع الفاونديشن من نفس المجموعه استخدمه بس تحت عيوني فيعطيني شكل منور في كل الحالات بستفيد منه :p

• ماسكرا لوريال 4d lash architect - هالماسكرا اخذتها قبل شهرين يمكن المهم اني رجعت البيت طبعاً مااصبر لازم اجرب على طول هههه وجربتها :(  <  فيس موحزين بس موقادر يعبر ههههه طبعاً بالنسبه لي مافيه ماسكرا بيرفكت وعادي انا استخدم ثنتين او ثلاثه :p هالماسكرا تخلي رموشي كثيييفه اتعب وانا اقول كثيفه والله بدون مبالغه كأنهم موطبيعيات لكن للأمانه اللي تدور تطويل ماتطول ، قريب استخدمتها مع ماسكرا ثانيه بزواج وسألتني وحده شعندك مركبه رموش ؟ عاد ماتشوفوني الا ارمش بزياده واقول طبيعيات هههههههههههههه

• فرشه سيقما F50 - هالفرشه قبل جربتها بكل شئ ولا تددخل مزاجي بس جربتها مع البلشرات الكريميه وحبيتهاااا توزع البلشر بدون خطوط ، اخذ شوي بالفرشه من البلشر واطبطب راسها على ظاهر ايدي بشكل خفيف عشان مااصير مهرج :p وبعدها امسح واسوي حركات دائريه خفيفه ويبين البلشر مررررره طبيعي ومدموج تمام 

امممم ايه وخلصنا مفضلاتي هالشهر :$

وهذا سواتش لروج ماك ...

تابعوني هنا ...Twitter || instagram
ولأي اسئله : Ask.fm

ايميلي ، لأي اراء أو إقتراحات : carnationxo@gmail.com