مجموعة للأظافر من ايف روشيه

اليوم بتكلم عن مجموعه الاظافر من ايف روشيه ( قلوب من هنا لفرنسا :p)
انا سالفتي سالفه مع اظافري ! من اكثر الاشياء اللي اعاني منها
بالبدايه قبل يمكن سنتين كانت اظافري زي الورقه ! هههه
والله يابنات ماابالغ ماتنكسر ! لا كأنها تنشق ! متصورين ؟ :/
ماكان عندي اي امل اطولها كنت اخليها قصيره بس احاول اهتم فيها 
طحت قبل على زيت من نيفيا للاظافر كأنه مناكير والله يابنات شئ خرافي من جد !
اعذروني ماصورته :$ اصلاً ماباقي فيه شوي وكل مره اروح مااحصله اتمنى ماانقطع منه صار ادمان
المشكله الثانيه بأظافري حولها زي امممم تشققات ؟ ماادري :p 
و سألت دكتور مره و قال غالباً بسبب جفاف الجلد بالايد وحول الاظافر !
اي جفاف بس يادكتور وانا اكثر واحد متغرقه بالكريمات ههههههه
انا مهووسه كريمات وخصوصاً لايدي يعني يمكن من 4 الى 5 مرات ارطب ايدي كمتوسط ! واكون بالبيت موبرا !
المهم سويت كل شئ ولا راحت وكنت بفقد الامل خلاص :(
والمشكله انه موبس منظر الجلد موحلو مسبب لي سمار حول الظفر نفسه
وانا الحمد لله مااعاني بسمار بأي مكان جت على هذي !



وطحت على هالجميل

زي المقشر من ايف روشيه و هو اخر واحد اشتريته من المجموعه
لأني كنت اجرب حق بودي وطلع فاشل ولاحبيته ! 
للأمانه اول ماتحطينه حلو وتحسين بتشوفين نتيجه بس ولا شئ
هذا من اول استخدام حسيته يقولي انا اللي بتدوري عليه :p

حاولت امسح اللي عليه قد مااقدر عشان يبين معاكم الشكل
هو موفرشه لا زي البلاستيكه او ماادري ههههه شئ قاسي وفيه الكريم وحبيبات سودا صغيره

حطيته هنا حول اظفري ترا هنا مومبين السمار حول الظفر يمكن من الاضاءه :/
بس مبين التشققات ><

بعدين افركه شوي على اظفري وامسحه بمنديل او فوطه وبس
لاحظت ناس كثيره تذمه وتقول ماجاب نتيجه والمشكله اسألهم كيف تستخدمونه يقولون نحطه 
زين تفركونه ؟ ... لا ! :/ ياماما هذا مقشر !


عموماً هذا شكل حق بودي شوب اللي تكلمت عنه وجربته قبل 

نجي للشئ الثاني حبيبي

شوفو ايش مكتوب !

جميييييييل ! حبيييييته ياناس
يخليني اخق اول مااحطه هههههههه
تشوفين لونه بالعلبه بيبي بينك تقريباً فاتح
بس تحطينه لا مرررررررره خفيف يادوب انه عطاك لون خفيف كأنه شفاف بس جميل
ويعطيك لمعه خرافيه موزي لما تحطين المناكير العاديه لا 
اقرب لطبيعيه من المناكير ! غير انك تقدرين تستخدمينه بيس كوت واستمتعي :$ + ينشف بسررعه

 شوفو هنا

طبعاً بالصوره اول ماحطيته وترا مبين يلمع اكثر ، يمكن بعد من الاضاءه 
بس بالطبيعه اممممممم شفتو لما تسوون اظافركم بمبرد بودي شوب ؟ الجزء اللي يخلي الظفر يلمع ويخقق هذاك :p
ايه لمعه زي كذا واحلى ! :p

نجي لآخر واحد اللي سهل حياتي :$ ههههه
هذا الجميل للمناكير الفرنسيه ادري بتقولون شفنا كثير حتى انا مليت ادور شئ سنع
والغالب لازم زي اللصقات و حوسه :(
هذا لا للأمانه هو واللي قبله اخذتهم سوا وانا ببالي هذا اممم ممكن مااحبه بس بجرب
انا جربته بالمحل على اظفري وقلت يمكن حظ هالمره ضبط !
فرشته صغيررررره تجنن وارسمي فيها خط وخلاص 
ماتعرفين ترسمين ؟ تخافين تحوسين ؟ بس حطيه بشكل طولي على طرف اظفرك وارفعيه وخلاص :p

شوفو فرشته تدنن ( برضو حاولت امسح اللي عليها قد مااقدر )

طبعاً اسعارهم كلهم 39 ريال من محلات ايف روشيه