تجربتي مع مجموعه بيور سيستم للتخلص من اثار حب الشباب

اليوم بتكلم عن مجموعه بيور سيستم من ايف روشيه

هالمحل عششق احببه بشكل موطبيعي كل شغلاته طبيعيه وهذا اكثر شئ احبه فيه ، مااقدر اقاوم امر من جنبه وماادخله حتى البنات بالمحل صارو يعرفوني ههههه

هالمجموعه للي يعانون من حب الشباب او اثاره ... 

بالبدايه كنت اتفرج على كتالوج لهم كان مع مشترياتي اخر مره وشفتها وقلت ليه مااجرب ! طبعاً انا مشكلتي شويه اثار بسيطه تختفي من فاونديشن يعني مااحتاج كونسيلر وسالفه لكني ابي بشره بيرفكت :$ ومين مايبي ؟ 

بديت بتجربتها قبل شهر وشوي تقريباً بالبدايه يمكن مع اول اسبوعين طلعت كم حبه صغيررره ويومين او ثلاث بالكثير وتختفي بدون اي اثر ، قلت بنفسي حلو ! يعني البشره قاعده تنظف من جوا ! ولما شفت هالشئ تحمست اكمل بعد اول اسبوع كان عندنا حفله ولما اتمكيجت وخلصت حسيت بشرتي فيها صحه ونضاره موطبيعيه 

الحين خفت الاثار وبكمل المجموعه صحيح انه شهر ناس تشوفها كثير وخصوصاً انه اللي عندي مجرد اثار بسيطه لكن التحسن ببشرتي بشكل عام كان جداً جميل وأنا عني بصراحه ارتاح مع الشغلات اللي تطول احسها ماراح تضرني وراح تبقى بشرتي بتحسنها بعد مااتركها مواضطر اكمل عليها عشان احتفظ بالنتايج !

1 - هذا مقشر ومنظف يومي - تستخدمينه مرتين باليوم بالصبح وبالليل  ، جمممميييل يترك بشرتي مررره نظيفه احسها تتنفس من قلب ههههه 

اشتريت منه ثاني قبل فتره :$

سعره : 39 ريال

2 - التونر - انا ماكنت الاحظ انه عندي مسامات بخشمي الجميل الا بعد مااشتريته هههههه ماادري مرره صغيره بس تعرفون الوسوسه انا الكوين حقتها بكل اسف :p بس من جد كنت احطه واقول ماراح يتغير شئ وكلها اسبوع ونص واختفت المسامات نهائياً ! برضو تستخدمينه مرتين باليوم بعد المنظف اليومي، كميته كبيره للحين ماوصلت النص !

سعره : 39 ريال

3 - لوشن التخلص من العيوب - يمديكم انتم عالشرح ؟ هههههه 

مكتوب فيه 4 بواحد ماادري ايش المقصد لوول بس احساسي يقولي :$ انه هو سبب النظاره والنور اللي صار بوجهي ، انا مع الدايت ومع اني اخذ فيتامينات صار وجهي باهت :( لكن من يوم استخدمت هالمجموعه رجع نور وصارت بشره وجهي مره صحيه وفيها حياه ماهي ميته لول - استخدمه مرتين باليوم بعد التونر 

اشتريت واحد ثاني لما رحت اخذت المنظف اليومي مع انه لسه ماخلص بس احتياط :$

سعره : 55 ريال

4 - ماسك منظف للمسام - على اسمه هالجميل :$ تستخدمينه مرتين إلى ثلاث مرات بالاسبوع بصراحه انا استخدمه الاثنين والخميس عشان ماانسى واخربط :$ واذا عندنا عزيمه او جمعه استخدمه قبل الميك اب بفتره عشان تنظف بشرتي بس انتبه اني مااستخدمته اكثر من 3 مرات بالاسبوع

سعره : 39 ريال 

5 - لصقات تشيل البقع والحبوب - تحملو عاد ماعرفت كيف اترجمها ههههههههه بصراحه لما قالتلي عنه الموظفه هزيت رأسي وانا بنفسي اقول والله شكله خرطي هههههه بس هذاك اليوم ببالي اخلص الفلوس اللي معي ( طبع معفن لوول ) وقلت اخذه نجرب ليش لا ! واخذته ومااستخدمته - ولما جت البيريود تعرفون عاد تطلع كم حبه تنكد عليك :( وقلت ليه مااجربها ! وحطيتها بعد ماغسلت بالمنظف والتونر واللوشن بالليل ( طبعاً يفضل تقعد 8 ساعات - يعني الاحسن بالليل عالنوم ) والله يابنات بدون مبالغه صحيت وشلتها ، الحبه بس باقي اثر لها ! فتحت عيني مومصدقه ههههههه انا بالعاده حبوب البيريود تقعد بأحسن الحالات 4 ايام ! واختفت هالمره بليله بس باقي اثرها ! حطيتها اليوم الثاني واختفت نهائياً ! وصارت لصقاتي المنقذه :$ 

سعرها : 49 ريال

باقي شغله وحده مااخذتها واصلاً مادريت انها من المجموعه الا من النت
اللي هو مصحح العيوب ! بصراحه ماجربته عشان كذا مااعرف مفعوله 


افكر اسوي زي الابديت لهالمجموعه واصورلكم اثر من الاثار :$
واوريكم كيف تصير كل اسبوعين ! شرايكم ؟ 




عطوني ارائكم واقتراحاتكم
وراح تسعدوني بشكل لوتضغطون على 
راح تلاقونه عاليمين :$