السلام عليكم ورحمة الله وبركاته
كيفكم ياجميلاتي ؟
هالتدوينه وعدت فيها بدايه السنه ببدايه شهر يناير :/
مررره سوري والله تأخرت ادري كثير :( والله مصوره لي فتره بس عجز اعوذ بالله :(
بس ان تصل متأخراً خير من أن لا تصل والا لا ؟ :$ < بدأ الترقيع :p
المهم هالزبده تسوونها بالبيت تناسب اللي بشراتهم جافه جداً وبيحبونها
لكن انا بشرتي دهنيه واستخدمها واحبها مره احب الترطيب بزياده :p
للأمانه مااستخدمها على جسمي كله الا بالشتا لأن البشره تبدأ تجف
بباقي الفصول استخدمها على اكواعي وركبي ورجلي وايديني < يعني اماكن تحتاج ترطيب زياده :p
صحيح انها لما تدهنيها تحسين انها تبقى شوي عالجلد بشكل نوعاً ما دهني
بس حطي فوقها اي لوشن بشكل خفيف وادهنيه وراح تمتصه البشره اسرع
هالزبده راح تخليك تحسين بنعومه على مدى يومين بدون مبالغه
وخصوصاً بعد الحمام المغربي او بعد اي شور ياااسلام :$
تعبتو من قرقتي صح ؟ :p
يالله نبدأ
هذا اللي بتحتاجينه !
- زبده شيا خام مبين من العلبه من وين اخذتها ههههه
انا اخذ ربع كيلو وابقي من العلبه شوي يعني موكل الربع كيلو اخذه !
الشوي هذا استخدمه في شئ ثاني :p
كلنا نعرف فوائد زبده الشيا وترطيبها
- زيت اللوز الحلو
أفضل اللي من وادي النحل بس هذيك المره يوم اصور كان مخلص واخذت من اقرب مكان :$
ينعم الجلد بشكل جميل ويعطيه قلو يجنن
- زيت جنين القمح
اتعب وانا اقولكم هالزيت جنان لازم يكون عند بنت
غني بفيتامين e ويعطي نضاره للبشره ويفتح الاسمرار انا مااستغني عنه لترطيب وجهي بالليل ، ايه بشرتي دهنيه واستخدم زيت للترطيب لحد يطالعني كذا :p
- كويكر أو نشا الذره تغاضو عن الطعجه بالعلبه طاحت لما جيت بصور وقلت والله ماارجعك واجيب ثانيه ههههههه
عشان يمسك لنا المكونات زين ويخليها اقل زيتويه يعني :p
أول خطوه نسوي حمام مائي ونحط ربع كيلو زبده شيا الا شوي :p ونذوبها لما تصير زيت عادي
نضيف عليها نص كوب زيت لوز حلو ملعقه او ملعقتين جنين القمح و 3 ملاعق كويكر مطحون نااااااعم مره
نخلطهم زين ونحطهم بالثلاجه ماتآخذ كثير يعني بحدود ساعه وتجمد !
بعد ماتجمد تطلعينها وتتركينها شوي بس لما تلين نوعاً ما بس تبقى متماسكه
واخلطيها زين بتصير زي الكريمه
بعدها حطيها بالعلبه اللي تبين وتمتعي :p
ا افكااااااارك عبقرييييييييه ماشاء الله النتيجه جميله والله
ردحذفتسلم ايدك اكيد لي تجربه وبنزل بوست عنها يعطيك الف الف عافيه عسوله :*
الله يعافيك حبيبتي
حذفوتسلميلي يارب عاد اذا سويتي البوست حطيلي لينك اشوفه :p
كيف أحصل على زبدة الشيا؟!
ردحذفوهل فائدتها بالنعومه فقط؟!
زبده الشيا تلاقينها عند تجار بالنت
حذفوفوائدها كثيره للنعومه وتشيل الخطوط البيضا وتعطي نضاره للبشره وتوحد اللون وتأخر التجاعيد
ويقولون انها تساعد بالهالات السودا بس ماجربت ودي اجرب :p
حلو كنت ادور ع حل للخطوط البيضاء خاصه بعد الحمل
ردحذفوياليت اذا عندك اي حل ثاني تسعفيني فيه
ويعطيك اللللللف عافيه خيتو
الخطوط البيضا والله مااعرف وصعب التخلص منها
حذفالمفروض تبدين ترطبينها ترطيب من تكون حمرا لأنها اسهل تختفي وهي ببدايتها
لكن ان شاء الله تفيدك هالزبده لأن ترطيبها جداً جداً عميق ^^
فنانه .. انشاءالله راح اجربه قريبا
ردحذفhttp://latefahmuraikhi.blogspot.com/
عاد اذا جربتيها قوليلي عن رايك ^^
حذففكره جميله ماشاء الله ، مدري ليه دايم احب الجاهز مدري هو كسل لهدرجه ههههههه
ردحذفتصوويرك وشرحك بطل يعطيك الف عافيه ♥
كلنا نحب الجاهز هههههه لكن فيه اشياء نتايجها ماتقدرين الا تتخلين عن الكسل شوي :p
حذففديتك والله نورتيني ❤
بشرتي من كثر جفافها تؤلمني احسها بتتشقق ماينفع معها اللوشن ودي اجرب زبدة الشيا عمري ماشتريتها وكسولة جدااا
ردحذفجربي طريقه هالزبده للجسم وصدقيني راح تنسين الجفاف كلياً :p
حذفوتستاهل زبده الشيا كل هالضجه من جد ترطيبها جميل
اقدر استخدم زيت غير الي مذكور
ردحذفممكن تستخدمين زيت الزيتون بدل اللوز بس افضل اللوز
حذفلكن زيت جنين القمح مايستبدل الا بفيتامين e خالص
اقدر استخدم زيت غير الي مذكور
ردحذف