December Favorites ❤ 2012

لما قررت اسوي مفضلاتي لهالشهر قلت مااظن عندي شئ

وفجأه طلعت المفضلات ههههه
هالمفضلات من نص نوفمبر موبس ديسمبر للأمانه
يعني اعتبروها مفضلات شهرين :p

احم احم نبدأ :$
من اليسار


- روج مات من نكس { تراه اول روج مات لي وقبل كم يوم اخذت واحد ثاني مات }

حبييييته مرره ، يعطي نفس كذا على شفايفي بس طبعاً مات 

اشتهي هالالوان كثيرررر بس مشكلتي فمي مره صغير :/
ولما احط لون غامق يصير فمي نقطه هههههه
بس صرت اطبق طريقه نيكي وجد جد لاحظت فرق وصرت احط غوامق مااتحاشاهم بهالشتا :p

شوفو هنا الفيديو

- ليب قلوس من نكس احب هالمجموعه اعشششقها ريحتها تكفي بس اشمها ههههه
مبين لونه غامق بس لوحطيتيه على شفايفك بشكل خفيف يعطيك لون cherry يخقق 

- بعده ليب قلوس من نفس المجموعه هذا حبيبي من اول مااشتريته ❤ بيني وبينه حب

- الجمبو ليب بينسل من نكس :( فيس حززززين :(
من فتره طويله اشتريت 3 ألوان من الجمبو ليب بينسل اجربهم
جربت واحد وحبيته لكنه انكسر ! وماقدرت ابريه وتركت الاثنين الباقين
وبيوم رجعت حطيت هذا وحبيته مررره لونه على شفايفي يجي تكة على لحمي
بس مشكلتي خايفه يوصل حده او ينكسر :(
اللي تعرف كيف استخدمه بطريقه ثانيه تقولي :$ افكر افكه بس خايفه ماتضبط واخربه وبس :p

شكله على شفايفي يطلع كذا تقريباً

ترا ماانتبهت انهم كلهم من نكس الا لما جيت اعدل الصور هههههه

نجي للبلش والمرطب 

بلش كريمي من نكس
ومرطب بلون من ماك

البلش اشتريته بصراحه غلط ههههه كنت مستعجله ابي الاورنج بجرب طريقه الكوركتر
مع اني مااحتاجها بس قلت تجريب وسحبته مستعجله ولما رجعت البيت اكتشفت غلطتي
لما سويت سواتش بايدي قبل استخدمه كان فيه زي الشيمر ذهبي خفيف قلت بعد ! شكلي ماراح المسه
بس ماادري ايش اللي خلاني احطه ووقعت بغرامه الشيمر ابد مايبين يعطيك زي القلو خفيف ونعوم
واللون شكله يخوف بالصوره ههههه
بس اي وحده درجتها  20 او 25  أو ممكن حتى 30  بماك سواء كانت nc أو nw تجربه وتقولي رايها :$

مرطب ماك
اخذته يومها عجبني لونه بصراحه
وللأمانه كان مرمي بالدرج طول هالفتره يمكن شهرين او اكثر ماادري ليه
يمكن لأني استخدم مرطب eos اللي سويت عنه تدوينه هنا
بس طلعته هذاك اليوم مع الاغراض اللي بجبر نفسي استخدمها لأني مااحب شئ يقعد :p
وحبيته من قلب :$ ترطيبه روووعه وفيه لون جميل ولي شهر استخدمه كل يوم واللي يشوفه يقول توني استخدمه
يعني بيقعد معاك كثيرر ويطول ، مشكلته بأنه بعلبه زي كذا موعملي ابد غيره بصراحه روعه 

هذي سواتشات لهم

الحين بتكلم عن شئ هالشهر اكتشفته من ماكس فاكتور بعد ماكنت غاسله ايدي منهم
كنت ادور بودره بدل بودره لانكوم اللي عندي وابي شئ طبيعي
ووحده نصحتني فيها و أثق برأيها وقلت اعطي ماكس فاكتور فرصه ثانيه 

للأسف شكلها رخيص بس ماعلينا :/

من ناحيه هالبودره من جد جد غيرت رأيي بماكس فاكتور
ابد ابد ماتبين اممممم ماادري شلون اقول ههههه بس عرفتو لما تحطون بودره وتحسون مبينه مره وكأنه غبار يع اكره هالشئ
بس هذي ابد ماتبين كذا مرررره ناعمه وماتبين انك حاطه شئ
والي جد جد حبيته انها نفس لوني بشكل موطبيعي ابد { درجتي 2 }
البودرات بالذات دايم ماالاقي لوني :( 

نجي للفرش 

هالفرشه من ريل تكنيك تكلمت عنها بالانستقرام بس بجد روووعه شوي عليها 

ماتجي بمجموعه لازم تاخذينها لحالها بس جد تستاهل
بالاصل ماخذتها عشان القليتر لاينر من نكس عندي السيلفر لأنه فرشته سيئه جداً
بس روعه للجل لاينر خطيره مره

البينسل برش من سيقما

انا مومره صحبه مع البينسل برش يعني عادي
بس هالفتره مااستخدم الا هي وفرشه ريل تكنيك اللي قبل شوي
ارسم فوق الجفن بالجل لاينر واخذ اي لون حابته بالبينسل برش وامرر اللون تحت خط رموشي
وترررراااا خلصت :$ ههههه مع ماسكرا اكيد :p

الكونتور برش من ريل تكنيك تجي بمجموعه
كنت اول استخدم فرشه سيقما F40 بس كرهتها بعد هذي
شقول بس عنها ؟ تخلي الكونتور من جد من جد مرتب ومضبوط صح
كنت افكر بفرشه سيقما F05 بس بعد هذي نسيت التفكير فيها :p

البفينق برش من ريل تكنيك تجي بمجموعه مع فرشه الكونتور هم الثنتين السبب اني اخذت المجموعه
باقي المجموعه اشوفهم بصراحه عاديين
البفينق برش حلوه لكرريم الاساس سواء كان سايل او كريمي
تعطيك شكل مره طبيعي ومدموج صح
 فرشه سيقما F80 الفلات كابوكي تعطي نتيجه مقاربه بس التغطيه اكبر
يعني اللي تبي نتيجه مقاربه لفرشه سيقما وتغطيه اقل تجرب هذي 

مقارنه بين الفرشتين وفرشه F80 عشان تعرفون كيف احجامهم

البفينق برش اصغر شوي من ناحيه الحجم من فرشه سيقما بس مومبين بالصوره

نجي للمناكير 

هاللونين كانو 24 ساعه معاي بكل مكان هم ومزيل برجوا 

اللونين مره رايقين بالايد وحبيتهم كتغيير عن البلودي ريد بالشتا
اللي عاليمين من Deborah واللي عاليسار من Revlon

نجي للدلع :$

الزبده هذي زبده شيا مخلوطه مع كم شغله اسويها وبقولكم طريقتها ان شاء الله بتدوينه جايه

شقولكم بس ترطيب موطبيعي ونعوومه وتفتيح
صحيح ماتتشربها البشره بسرعه بس صدقوني تستاهل تتحملون شوي انا احطها قبل النوم
وافضلها بالشتا لأن ترطيب الزبده العاديه يكفيني ماعدا بالشتا لأني احب تبقى بشرتي ناعمه ومترطبه اللي بشرتها جافه راح تعشقها
وميزتها بس شوووي يكفي لكثير من جسمك
يعني شايفين العلبه الحين ؟ هذي علبه زبده بودي شوب بس سلكو ههههه
المهم كانت مليانه فوق شوي مااقدر اقفله بس اغطيها وهذي سويتها قبل اسبوعين وشوفو كيف !
هذا وانا ادهن تقريباً ثلثين جسمي :p

الشئ الثاني شور جل من ايف روشيه بالقهوه

موريحه قهوه عربيه لا ماادري قهوه ايش بس حلوه ههههه
احب استخدمها الصباح بشور بعد التمارين يالله قد ايش اصحصح واحس بشعور جميل وريحه دوره المياه الله يعزكم تصير ريحه قهوه :p

اكسسوار ماله فتره بس خاقه معه :$

هالاسواره كنا بالسوق انا وامي ووقفت عند محل يبيع اكسسوارات بأحجار كريمه وحاجات تجنن

وكنت اطالعها خاااقه معها وامي معاي
وراحت سألت عن هالاسواره وقالت البسيها بشوف ، لبستها قالت حلوه بايدك خلاص لاتنزلينها :$
يازين اميمتي ❤
والله فرحت ساعتها من جد صحيح انها موغاليه ب 150 بس ماادري حسيت بسعاده وخقيت مع الاسواره زياده ههههه

أتمنى تستفيدون وأي سؤال حاضره
تابعوني على تويتر @carnationxo ولاتنسون تنضمون للمدونه راح تفرحوني كثير :$