السلام عليكم
كل عام وانتم بخير وسنه سعيده يارب تكون عالكل
زمان مره صح ؟ ههههه من اهدافي هالسنه اكتب اكثر بالمدونه وان شاء الله اجزم واكمل وابطل كسل
هالمره بحط لكم طريقه الاقينوق ماودي اترجمه عشان ماتكرهونه ههههه بس طعمه لذيذ بالنسبه لي ولأهلي
هو مشروب شتوي وتخيلو طول هالشتا ماسويت الهوت تشوكليت غير ٣ مرات او ٤ !
البيت كله صار يحبه حتى ستيلا ❤
طريقته سهله ترا بالبدايه تحسين فيه شوي حوسه بس سويه مره او مرتين وخلاص
فيه اكثر من طريقه عشان نسويه بعضها فيها كحول !
وبعضها البيض ماينطبخ والصراحه ماادري شلون بياكلونه >< الحمد لله عالنعمه
ادري بتنصدمون مشروب وفيه بيض بس صدقوني الطعم لذيذ
نحتاج ...
ربع أو ثلث كوب سكر على حسب الرغبه
ثلثين كوب حليب
ثلثين كوب كريمه خفق
فانيليا
نسخن الحليب عالنار على نار هاديه عني أحب احط قرفه مع الحليب يعطيه نكهه
بهالوقت نحط البيض والسكر سوا ونخفقهم لما نتأكد السكر ذاب زين
لما يبدأ الحليب يسخن لاتخلونه يغلي نبعد الحليب عالنار او نقصرها اقل شي
ونحط البيض والسكر عالحليب ونخلطه ونرجعه عالنار الهاديه مره انتبهوا يطول ويتكتل
ياخذ حول ٣ دقايق او ٤ دقايق بالكثير
بهالوقت نحط كريمه الخفق مع شوي فانيليا ونخفقها لما تثقل شوي لاتخلونها كريمه عاد
ونحطهم كلهم سوا ونخفقهم ونحطه بأكواب لاتكبرون الاكواب تراه يشبع من جد
يتقدم حااار أو بدرجه حراره الغرفه بس عني أحبه حار احس اطعم ولو حابه رشي فوقه قرفه او تشوكليت
ادري الخطوات كثيره بس صدقوني سهل ويستاهل التجربه
اللي تجربه تسويلي منشن بتويتر او انستقرام ❤
Twitter || instagram
فمان الرحمن
التجربه خير برهان باذن الله راح اجربه واخبرك عن طعمه .. احس انه حلو وان شاء الله يصير كذا :$
ردحذفيعطيك العافيه :*