السلام عليكم ورحمة الله وبركاته
هالمنتجين قلت بتكلم عنهم لما اكمل شهر واعطيكم رأيي فيهم
وكملت شهر وشئ اظن المهم انه وقت التدوينه :$
أول منتج غسول للوجه من هيمالايا للبشره الدهنيه والمختلطه
مكتوب عليه ...
نمسك كل نقطه :p
بخصوص ينظف هو فعلاً ينظف من قلب
والحبيبات الصغيره اللي تشوفونها بالصوره ترا لما تحطين منه بإيدك يادوب تجي كم حبه مويعني زي المقشر
ولا تحسين فيها أصلاً لما تغسلين وجهك لكن احس هي اللي تنظف ههههه
بخصوص يشد اممم مومره يعني ماحسيت بفرق
صحيح ينظف واحس ببشرتي نظيفه بس بعض الغسولات تنشف الدهون مره
ومع تنشيفها للبشره تحسين انها شدت هذا ماحسيت هالشئ وانا اشوفه شئ زين :$
اما بخصوص الانتعاش
من جد جد ينعش صار غسولي الصباحي احس بإنتعاش من بعده
أكثر شئ لاحظته بعد استخدامي لهالغسول وجهي نور وفيه نظاره تجنن
لاحظت النضاره فيه بعد اسبوع ❤
ثاني منتج هو بديل الزيت من غارنييه
مكتوب انه للشعر الجاف والتالف
أنا شعري عادي بس اخره جاف والفروه دهنيه < تخيلو المأساه انتم عاد :( < صار بالتدريج يمديكم بس ؟ :$ هههههه
وعلى أن شعري الحمد لله يلمع بس امممم احس الخصله موطريه
أنا أستخدم له خلطه بسيطه والله يابنات بدون مبالغه غيرت شعري كلياً :$
بس حوسه ويبيلها صبر انتظر اخليها على شعري ٥ ساعات
وابي شئ سريع واخذت اجرب هذا والحمد لله اني اخذته
حبيييييييته ❤ صحيح انه مايقارن باللي اسويه بس يعتبر بديل سريع
أحط على شعري وابدأ من اطراف شعري تحت واطلع لفوق بدون مايلمس فروتي
واخليه ساعه وبعدها اتحمم
وفيه طريقه ثانيه اسويها اذا ابيه يبين اطرى ومابي استشوره بعد مااطلع من الحمام الله يعزكم
يكون لسه مبلول واحط عليه شوي وهو مبلول وبرضو احاول ماألمس الفروه واسرحه
وألف عليه الفوطه واخليه لما ينشف بشكل بسيط وافلته عاد :$
الأسعار :
غسول هيمالايا : 27 ريال
بديل الزيت من غارنييه : 16 ريال
ليست هناك تعليقات:
إرسال تعليق