السلام عليكم
هذا الجزء الثاني من المنتجات اللي خلصتها ..
صارتلي مشكله بالنت الفتره اللي راحت وشويه تعب
السنه هذي من جد عجيبه أجل انا اشرب زنجبيل ! ماهو انا اللي اعرفني o_O حسيت اني كبرت فجأه ههههه
نقول يارب تنتهي هالسنه واحلامكم تحققت ونبدا ٢٠١٥ على خير وسعاده عالكل وتوقف الحروب ونقول يارب تنتهي المجاعات ادري انه شي صعب بس ياااارب
نبدأ بالجزء الثاني ..
من اليمين
- غسول من بودي شوب من مجموعه seaweed
يقولون انه غسول ينظف بعمق .. بصراحه مااشوف هالشي
لكني حبيته جداً اوكي ينظف ولما تغسلينه يعطي احساس نظافه وانتعاش بس مااحسه ينظف بعمق
احلى مافيه ماينشف وجهي بتاتاً لكنه ينظفه من اي بقايا زيوت .. احس مايناسب اللي بشرتها جداً دهنيه
- بشرتي كانت دهنيه اول والحين مختلطه .. عادي البشره تتغير لأي عوامل -
حبيته للصباح ينظفها ويعطيني انتعاش ..
- غسول فيتشي للبشره الدهنيه
احححححبببه حب بجد يستاهل ١٠٠ وفوقها بوسه بعد - سعره من ١٠٠ الى ١٢٠ -
وانا اكتب التدوينه الثاني قرب يخلص واشتريت غيره للاحتياط .. جد مااستغني عنه
ينظف البشره بعممق بس ينشفها تكككه صغيرونه واحسها شاده شوي بس دقايق ويروح الاحساس
- كريم 21
لوتلاحظون تراهم نوعين للبشره العاديه والبشره الجافه
كلهم حلوين واحبهم لكني افضل اللي للبشره الجافه احس بشرتي تمتصه اسرع
لا موعلبتين اللي خلصتهم .. انا عندي وسواس ترطيب وزاد الموضوع من تملكت ههه
من اليمين
- زبده الكاكاو من coco care
ادري ناااس كثير تقول انها تخلي زي الطبقه البيضا وانا معكم بهالشي
واحس لو موبيضا بتلاحظ هالشي اكثر لكن انا مااستخدمها لحالها
اذا جيت اخذ منها .. اخذ شوي واحط شوي زيت لوز واخلطهم بايدي وابدا احطه على كامل جسمي
لما اصحى الصبح اخذ شور سريع لواقولكم الاحساس بشرتي ندديه جداً وناعمه
جربوها وادعولي
- سيتافيل
جميل جداً واحسن مافيه انه طبي وترطيبه عميق
بس مااستخدمه الا اذا جتني الاكزيما لانه طبي لكن ترطيبه اشوف فيه شغلات ترطب زيه وارخص
ببالكم امزح بموضوع الترطيب ؟ هههههه
لو اوريكم علب زيت اللوز يمكن تقولون انتي تتحمين فيهم هههههههه
- قناع من بودي شوب مجموعه seaweed
هالقناع جمممميل جميل جداً جداً حبيته بجد
احسه ينظف البشره من قلب مايمزح ههه ريحته شوي ازعجتني بالبدايه بس بعدين صرت اتجاهلها عادي
اشوفه ماينفع تحطينه قبل مناسبه وكذا لا .. ينفع يصير استخدام بشكل اسبوعي او بالاسبوعين مرتين بالبدايه بعدين بالاسبوع مره
لانه ينظف البشره من جوا بتطلع حبه او ثنتين بس اللي تحسينه طلع اللي مستخبي :p هالحبه او ثنتين شوي ويروحون
لما صرت استخدمه بشكل دوري ماعاد تطلعي حبوب مزعجه من وقت لوقت .. جداً حبببيته
بس المشكله صرت كل مااجي بودي شوب يقولون لي ماجا منه وبعض الموظفات يقولون خلاص ماراح يجي !
علمونا وش الموضوع :( .. لاتقطعون شي حبيته كذا عاد :(
مزيلات الميك اب
دقيقه دقيقه بوضح شغله ههههه حسيت اللي بيشوف الصوره بيقول هذي كل يوم فل ميك اب هههههههه
انا انسانه بحاجه زي منظفات الميك اب ابدل بينهم يعني مره استخدم هذا ومره شي ثاني
وهذا شي مره شين ترا .. لأنه فجأه يخلصون عليك كلهم مره وحده !
نبدأ من اليمين
- مزيل الميك اب من لانكوم
احبه وكفى ! يعني عموماً انا احب لانكوم لكن هالشي جد جد جميل جميل
لازم ترجينه اول شي لان فيه زيت لكن مع انه فيه زيت مااحس لما اشيل انه فيه زيت على وجهي ابداً
يشيل كككككل شي بمعنى الكلمه .. انا انسانه احط مليون طبقه ماسكرا للأسف ههه وهو يشيلها بمسحه
ببقى اشتريه واشتريه واشتريه لين يقطعونه :p
- بايودرما
بقى احد ماتكلم عنه ؟ يستاهل المدح بصراحه وحلو حبيته مره
وحلو انك ماتحسين مضطره تغسلين وجهك بعده لكن انا بصراحه مااقدر الا اغسل
لكن احسه عالماسكرا معي انا ماينظفها مره يعني لما اغسل بعده تنزل شوي ماسكرا
طبعاً انا قلتلكم انا احط اكثر من طبقه ماسكرا فممكن اللي تحط طبقه اوثنتين بتحسه تمام معها
- فيتامين e من بودي شوب
بصراحه احبه اذا كنت حاطه فل ميك اب احط شوي بايدي وهو زي الكريم
وابدأ امسج وجهي وبعدها امسح بقطنه .. ماحرق لي عيوني ولاحسيت بشي
بعده استخدم الكلاريسونيك طبيعي عشان اتأكد مابقى شي بوجهي
بس مااحبه لوحاطه ميك اب عادي ابي طريقه اسرع هههه
احلى مافيه انه كريمي وحبيته مع ان بشرتي قلتلكم مختلطه
- مزيل الميك اب من نيفيا
عادي جداً ماحسيت فيه شي مميز اوكي ينظف بس موبضمير
بس حلو انه ماحسس بوجهي ولاطلعت لي حبوب معاه ابداً مع انه رخيص وتلاقونه بالسوبرماركت
من اليمين
- كريم للهالات من فيتشي
حبيته وجدد خفف من الهالات بس وقت استخدامي له كنت معدله نومي واشرب مويه كثير
يعني لاتعتمدون عليه اعتماد تام ! بس للأسف الحين تخربط نومي صاير حوسه ورجعت الهالات :(
مااقول انه اخفاها لكنه خففها بشكل كبير وارتحت عليه
- سيروم من كيلز
هالسيروم للبقع الداكنه اياً كانت بالبشره
للامانه انا سرقته سرقه من امي هههههههه كان بسيت واخذته هو
لانها كانت تبي كريم الايدين وانا اخذته هو بجرب :p
وقتها ماكنت عندي من اي اثار داكنه وكانت بشرتي اقرب للبيرفكت .. اه بس :(
انا حماره معليش :( استخدمت حاجه جديده ولعبت بوجهي لعب بشكل عجيب !
بنزل بوست عن الموضوع وكيف خفت الحمدلله والحين خلاص ماباقي الا شي بسيط نقول يارب
ماعلينا :p
وقتها زي ماقلت ماكنت اعاني من اثار او شي اقدر الاحظ فيه انه بيخففها
لكني حبيته بشكل يومي بالليل حسيته نور وجهي
وفجأه محسوبتكم قررت احطه على حرق كان بايدي ! قلت بشوف اذا جد يخففه او لا لأني ماراح الاحظ شي بوجهي
واستخدمته على الحرق والله يابنات صدددددمه خف بششششششكل الحين ماتشوفينه الا لوقربتي من ايدي مره
المشكله له فتره مخلص ويوم خلص طلعت لي المشكله اللي قلتلكم ولا بعد حرقت ايدي مره ثانيه ههههه
ان شاء الله في اقرب فرصه برجع اخذه وبجرب شغلات جديده تحمست لها من كيلز
من اليمين
- بيبي ليبز من ميبيلين
ممكن اقول انه حاجه خايسه بمعنى الكلمه ؟
ادري فيه ناس كثيره تحبه بس جد ماني مستوعبه
حبيت لونه وهو اللي خلاني استخدمه لكن كمرطب سيئ جداً
من النوع اللي تستخدمينه ويرطبها شوي وترجع تنشششف عشان ترجعين تستخدمينه مره ثانيه
مااحب هالنوع يستفزني احسهم يستهبلون علي هههه
- مرطب الشفايف من بالمرز بتركيبه زبده الكاكاو
كنت اخذ اغراض من محل وشفته شدني واخذت وحتى اتذكر سعره حدود ١٠ ريال
ينفع لليل لانه يصير كأنه طبقه شوي ثقيله بس تصحين شفايفك بمعنى الكلمه مترطبه
حبيته كثيررر وناسبني ..
بس احس خلاص اكتفيت بخصوص مرطبات الشفايف بحقات ايف روشيه ❤
،
وهذا كان تكمله البوست وخلصناااه
تابعوني على Twitter و Instagram
فمان الرحمن ❤
